Молебен у иконы Богородицы "Благовещение"

Молебен у иконы Богородицы "Благовещение"

  • Зачатьевский женский монастырь
>

 

 

Молебны регулярно совершаются в Зачатьевском женском монастыре

 

 

Молитва Пресвятой Богородице перед образом Её "Благовещение":

 

О Пресвятая, Богоизбранная Дево, Святаго Утешителя Духа Всенепорочная Невесто, Пребожественнаго же Отца Небеснаго Дщерь Превожделенная, посреде терния мира сего Тем обретённая, яко крин пресветлый добротою девства блистающийся, да Сыну Божию Чистая Матерь Неискусобрачная будеши! Что убо воздадим Тебе в пресветлый день сей Благовещения, воньже Архангела Гавриила красотою безмернаго девства Своего удивила еси и от того неизреченное обрадование восприяла еси. Что принесем Тебе за вся утешения Твоя, имиже возвеселила еси в день сей весь мир видимый и невидимый, наипаче же падший древле род человечь. Днесь спасения нашего начало и еже от века таинства явление: ныне убо Слово Божие тихо сниде с небес, яко капля каплющая на землю, и вселися в Твою Богоблагодатную Девственную утробу и бысть Плоть спасения нашего ради. Сего ради днесь Ангели ликуют на небесех и вся тварь веселится и радуется, празднующе начало свобождения своего от работы нетления в свободу славы чад Божиих. Ныне радуется женское естество, Евы ради падшее, та бо повинувшися змию печаль роди женам и неудержанно введе смерть. Ты же, Дево, разрешила еси от горькия работы весь род человечь и свободою Христовою естество женское почтила еси, зане девством чистым паки истинную жизнь ввела еси, и сего ради жены, девство держаще, врага яве побеждати начинают. Ныне Адам ликует, видев, яко в пресветлый день сей исполнися на Тебе первое райское благовестие, яко семя Жены сотрёт главу змия. С нимже ликовствует ныне весь род человечь, понеже Тобою, Пречистая, упразднися днесь древнее отвращение Божие к человеком, Бога бо паки привела еси к нам. Сего ради зрим Тя ныне, якоже древле Иаков, яко Лествицу Высокую, Еюже сниде Бог на землю и яко Мост Пречуден, имже сущих от земли паки возводиши на Небо. Что воздадим Тебе, Царице Неба и земли, за вся сия, имиже радость несказанную подале еси падшим и заблуждшим людем Твоим? Вся наши жертвы и приношения ничтоже суть пред величеством благодеяний Твоих. Единое точию угодно Тебе: «сердце сокрушенно и смиренно», егоже и Сын Твой и Господь наш «не уничижит». Сего ради молим Тя: исполни нас от превосходящия высоты смирения Своего елика вместити возможем, да принесем Ти во всесвятый день Благовещения Твоего Твоя от Твоих, во еже во всяцем деле блазе не мыслити высокая, но выну в смирении духа пребывати. Сею первейшею добродетелию украшени, в пресветлый день сего праздника Твоего в кротости и чистоте сердца со Архангелом Гавриилом возопием тебе: Радуйся, Благодатная, Радуйся, Обрадованная, Радуйся, Преблагословенная, Господь с Тобою и Тобою с нами во веки веков.

Аминь

 

Иная молитва к Божией Матери пред Ее иконой «Благовещение»


Приими, Всеблагомощная, Пречистая Госпоже Владычице Богородительнице, сия честныя дары, Тебе единей прикладныя от нас, недостойных рабов Твоих, от всех родов избранная, всех тварей небесных и земных вышшая явльшаяся. Понеже бо Тебе ради бысть Господь сил с нами, и Тобою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния, и сохранитися нам неврежденным от всякаго ядовитаго прилога диавольскаго. Но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно и во веки веков.

Аминь

 

 

 

 

Благовещение является одним из 12 самых важных церковных праздников. Празднуется это светлое событие ровно за 9 месяцев

до Рождества Христова, а именно, 7 апреля.

 

Благовещение – это непереходящий праздник, а потому дата его празднования каждый год одинакова.

Благовещение – это светлая весть о скором пришествии в мир Сына Божьего, которую Архангел Гавриил поведал Деве Марии.

 

Благовещение считается днем свободы и покоя, в этот светлый праздник даже в аду на небольшой миг наступает благодать. В этот день нельзя выполнять никакую работу, особенно воспрещается работать в поле,а также тяжело работать женщине.Нельзя шить, вязать, вышивать. Наши предки говаривали, что на Благовещение даже птица гнезда не вьет.